حضرت بزاف دورات، بصح بصراحة أول مرة نحضر دورة حسّيت بالفايدة تاعها بطريقة عملية. تخيلي، ما نجحتش غير مع ولادي، أنا أستاذة في الثانوية، وكان القسم كامل يهدرو وقت الدرس، وكل مرة نعلّي صوتي، يعاودو يعلّيوه أكثر.

كي تعلّمت كيفاش يخدم مخ الطفل، وطبّقت التحدي مع ولادي ونجح، قلت نجربو ثاني نهار مع التلاميذ. والله غير ما كنتش نتوقع النتيجة! التلاميذ بدّاو هما اللي يسكتو في بعضاهم باش يسمعولي!
والله تعلم كيفاش يخدم الدماغ حاجة سحرية

اليوم كنا عند عائلة راجلي، وبنتي اللي عندها 4 سنين خطفت الأنظار فالسهرة. بنت عمها اللي راهي قدها كانت تبكي على التليفون، وهي واش دارت؟ راحت ليها عنقتها، وبدات تهدر معاها بكل هدوء تقولها: “البكاء ماشي طريقة باش تعبري، اهضري بهدوء وطالبي كي يكملو الكبار الهدرة”.

جابتلها تشرب باش تهدأ، ومن بعد شدتها تلعب معاها بعيد، كامل كانو يتفرجو فالمشهد وهم مندهشين، حتى راجلي قطع الهدوء وقاللهم: “الفضل لماماها، رباتها على هذي الطريقة”.

أنا حسيت بالفخر، ودموعي كانو على وشك يطيحو ويخربولي الماسكارا 😂. الحمد لله تمالكت روحي. الفضل لله أولا، ومن بعد ليكم أنتوما. شكراً بزاف 🙏.